स्वास्थ्यवेद - पावसाळ्यातील पदार्थ १ - कुळीथाचे कढण

   कुळीथाचे कढण / कळण 
आयुर्वेदोक्त नाव ( कुलत्थ यूष )

साहित्य 

कुळीथ          -    १/४ वाटी 

पाणी             -    ४ वाट्या

फोडणीसाठी  साहित्य 

तूप                    -   २ चमचे 

लसूण  पाकळी   -    १ 

हिंग 

जिरे 

मीठ  (चवीनुसार)

कृती 

1. कुळीथ आदल्या रात्री पाण्यात भिजत घालून सकाळी कुकरला ३-४ शिट्या होईपर्यंत शिजवावे 
2. यातील शिजलेले कुळीथ वेगळे काढून पाणी कढण बनवण्यासाठी वापरावे 
3. तूप,जिरे,हिंग, व लसूण यांची फोडणी या पाण्याला द्यावी. 
4. चवीनुसार मीठ घालावे. 
5. आवडत असल्यास फोडणीत कढीपत्ता घालू शकतो.

कुळीथाचे कढण तयार आहे.

टीप 

1. हे कढण  करताना  त्या पाण्यात शिजलेले कुळीथ घोटून घातले व तिखट-हळद ,गोडा  मसाला, गूळ , नारळ घालून कुळीथाचे सार करता येईल . हे सार  भाताबरोबर खाण्यास छान लागते . 
2. आयुर्वेदिक गुण - हे कढण  कफ-वात शामक ,उष्ण गुणाचे आणि पित्तकारक असते. वातव्याधी ,आमवात ,किडनी स्टोन या सारख्या आजारात तसेच वजन कमी करणाऱ्या माणसांसाठी आहाराचा भाग म्हणून  हे कढण वापरता येते . 
3. मात्र गर्भिणी , क्षयरोगी ,  आणि पित्त प्रकृतीच्या व्यक्तींनी कुळीथ टाळावे .